Doqquz ayda Azərbaycanın dövlət borcu nə qədər olu?

2025-ci il oktyabrın 1-nə olan vəziyyətə görə, Azərbaycanın daxili dövlət borcu 17 milyard 46,8 milyon manat təşkil edib. Bu göstərici ümumi daxili məhsulun (ÜDM) 13,1 faizinə bərabərdir. Bu barədə Maliyyə Nazirliyindən bildirilib. 

Daxili borcun həcmi ilin əvvəli ilə — 2025-ci il yanvarın 1-i ilə müqayisədə 1 milyard 612,9 milyon manat artıb.

Hesabat dövründə daxili dövlət borcunun 7 milyard 987 milyon manatı dövriyyədə olan dövlət qiymətli kağızlarının, 9 milyard 59,8 milyon manatı isə hökumətin üzərinə götürdüyü dövlət zəmanətli öhdəliklərin payına düşüb.

Gülnar Nazimqızı