Özünəməşğulluq proqramına 2025-ci ildə 16,5 min nəfər cəlb olunub - Nazir

2017-ci ildən icrasına başlanılmış özünəməşğulluq proqramına təkcə 2025-ci ilin 11 ayı ərzində 16,5 min nəfər cəlb olunub. Bunu əmək və əhalinin sosial müdafiə naziri Anar Əliyev deyib. 

Onun sözlərinə görə, onlardan 8,7 min nəfəri kənd təsərrüfatı, 7,8 min nəfəri isə istehsal-xidmət sahəsi üzrə proqrama müraciət edib.

Nazir bildirir ki, Dünya Bankının maliyyə dəstəyi ilə həyata keçirilən “Məşğulluğa Dəstək Layihəsi” özünəməşğulluq proqramının genişləndirilməsində və əhalinin sosial rifahının yüksəldilməsində mühüm rol oynayır.

Layihənin birinci fazası çərçivəsində 26 min nəfər aktivlərlə təmin olunub, 2026-2029-cu illəri əhatə edəcək ikinci fazada isə əlavə 30 min benefisiara dəstək göstəriləcək.

Gülnar Nazimqızı