Tacikistan vətəndaşı Azərbaycandan ekstradisiya edilib

Dələduzluqda təqsirli bilinən və dövlətlərarası axtarışa verilmiş 13 yanvar 1992-ci il təvəllüdlü Tacikistan vətəndaşı Mukhammadnido Nazarmukhammadzoda 2025-ci ildə Azərbaycanda müəyyən edilərək həbs olunub.

Azərbaycan Respublikası Baş Prokurorluğunun qərarı ilə vətəndaşın ekstradisiyası “Mülki, ailə və cinayət işləri üzrə hüquqi yardım və hüquqi münasibətlər haqqında” 7 oktyabr 2002-ci il tarixli Konvensiyaya əsasən həyata keçirilib. Nazarmukhammadzoda Ədliyyə Nazirliyinin Penitensiar Xidmətinin xüsusi konvoyu tərəfindən Tacikistanın səlahiyyətli orqanlarına təhvil verilib.