Hava limanı yolunda sürət həddi endirilib

Bakıda müşahidə olunan yağmurlu hava şəraiti ilə əlaqədar Zığ dairəsi–Hava Limanı avtomobil yolunun bəzi zolaqlarında sürət həddi 20 km/saatadək endirilib. Bu barədə Daxili İşlər Nazirliyinin Nəqliyyatı İntellektual İdarəetmə Mərkəzi (NİİM) məlumat yayıb.

NİİM-in açıqlamasına görə, məlumat-sürət tablolarında müvafiq dəyişikliklər edilib, eyni zamanda bütün elektron tablolarda “sürüşkən yol” xəbərdarlıq nişanı aktivləşdirilib.

Qurum sürücüləri müəyyən edilmiş sürət həddinə ciddi əməl etməyə çağırıb.