Yaxın dörd ildə 14 regionda yeni DOST mərkəzi yaradılacaq

2025-ci ildə Qarabağ Regional DOST Mərkəzinin Kəlbəcər və Füzuli xidmət məntəqələri, bu ay isə Tərtər DOST filialı istifadəyə verilib. Bunu DOST Agentliyinin sədri Fərid Məmmədov ilin yekunlarına dair keçirilən brifinqdə bildirib.

Onun sözlərinə görə, indiyədək Bakı və bölgələrdə ümumilikdə 7 DOST Mərkəzi, 2 DOST filialı, 1 “Smart DOST” xidmət məntəqəsi və 2 DOST məntəqəsi fəaliyyətə başlayıb.

 Hazırda Naxçıvan, Quba, Sabirabad, Sumqayıt, Gəncə və Masallıda yeni DOST mərkəzlərinin, eləcə də bir sıra bölgələrdə DOST filallarının yaradılması üçün layihə və tikinti işləri aparılır.

Məmmədov qeyd edib ki, 2030-cu ilədək 14 regional DOST mərkəzi və 64 DOST filialının istifadəyə verilməsi planlaşdırılır.

Gülnar Nazimqızı