COP 29 Azərbaycanda təşkili böyük məsuliyyətdir - Nazir müavini

COP29 Azərbaycanda təşkili ölkənin üzərinə böyük məsuliyyət qoyur və yaxın əsrdə daha bir belə imkanın olacağı təsəvvür edilməzdir. Bunu Energetika nazirinin müavini Elnur Soltanov bildirib. 


Onun sözlərinə görə, İnkişaf etmiş ölkələr 80 faiz karbon büdcəsindən istifadə edərək inkişaf edib və indi bu tullantıları azaldaraq təbiətə az ziyan vurmaq barədə düşünürlər. Amma inkişaf etməkdə olan ölkələrin belə imkanları yoxdur və onlara maliyyə köməyi etməyə ehtiyac var. 

Azərbaycanda müzakirə edilən məsələlərdən biri bu olacaq. 

NDC ilə bağlı ölkənin götürdüyü öhdəliklərdən biri karbon öhdəliklərini 40 faiz azaltmaqdan ibarətdir. 

" İqlim prinsipinin həlli insanların öz maraqlarını qurban olaraq həyata keçirilməməli, imkişaf modellərinin tətbiqi ilə buna nail olmağa çalışmalıyıq” , Soltanov bildirib.

Onun fikrincə, ölkə havaya atılan qazlar problemini həll etməlidir. Hidrogen, azot dioksidinin tullantıları azalmalıdır. 

" Mən özüm israfın əleyhinəyəm. Məsələn otellərdə çoxlu dəsmallar qoyurlar. Onların istifadəsini azaltmaqla biz onların təmizlənməsinə sərf edilən enerjini azalda bilərik”, - Soltanov vurğulayıb. 

NDC karbohidrogenlərdən istifadəni azaltmaqla bağlı milli proqramdır. 

N.Təbrizli

www.anews.az