DÇ-2022: Türkiyə Norveçə, Portuqaliya Serbiyaya qarşı

21:00 | 27.03.2021
Bu gün keçiriləcək 10 oyunla 2022-ci il dünya çempionatının seçmə qrup mərhələsində II tura start veriləcək.

Qarşılaşmalar A, E, G və H qruplarına təsadüf edəcək.

Azərbaycan millisinin Qətərlə yoldaşlıq görüşünə çıxacağı A qrupunda şərikli liderlər Serbiya ilə Portuqaliya üz-üzə gələcək. İrlandiya - Lüksemburq oyununda isə tərəflər ilk xalı qazanmağa çalışacaq.

İlk turdan sonra analoji durumun yarandığı E qrupunda Çexiya və Belçika növbəti, Belarusla Estoniya ilk xal üçün qarşılaşacaq.

Seçmə mərhələyə Niderland üzərində inamlı ev qələbəsi ilə başlamış Türkiyə Cəbəllütariqi darmadağın etmiş Norveçlə görüşəcək. Oyun İspaniyanın Malaqa şəhərində olacaq. Buna səbəb Norveçdə koronavirusla əlaqədar səfər məhdudiyyətləridir. G qrupunda Monteneqro - Cəbəllütariq və Niderland - Latviya matçları da keçiriləcək.

H qrupunda açılış oyunu ilk turu qələbə ilə başa vurmuş Rusiya və Sloveniya yığmaları arasında təşkil ediləcək. Eyni zamanda Xorvatiya Kipri, Slovakiya isə Maltanı sınağa çəkəcək.

DÇ-2022

Seçmə mərhələ
II tur, 27 mart
A qrupu
23:45. Serbiya - Portuqaliya
23:45. İrlandiya - Lüksemburq
Xal durumu: Serbiya - 3, Portuqaliya - 3, Lüksemburq - 0 (oyun keçirməyib), İrlandiya - 0, Azərbaycan - 0

E qrupu
21:00. Belarus - Estoniya
23:45. Çexiya - Belçika
Xal durumu: Çexiya - 3, Belçika - 3, Belarus - 0 (oyun keçirməyib), Uels - 0, Estoniya - 0

G qrupu
18:00. Monteneqro - Cəbəllütariq
21:00. Norveç - Türkiyə
21:00. Niderland - Latviya
Xal durumu: Norveç - 3, Türkiyə - 3, Monteneqro - 3, Latviya - 0, Niderland - 0, Cəbəllütariq - 0

H qrupu
18:00. Rusiya - Sloveniya
21:00. Xorvatiya - Kipr
23:45. Slovakiya - Malta
Xal durumu: Rusiya - 3, Sloveniya - 3, Slovakiya - 1, Kipr - 1, Xorvatiya - 0, Malta - 0.


www.anews.az

Tərəfdaşların xəbərləri

REKLAM