Boliviya və Kuba 2025-ci il yanvarın 1-dən BRICS tərəfdaş ölkələri olacaq. Bu barədə Rusiya xarici işlər nazirinin müavini Sergey Ryabkov "İzvestiya"ya müsahibəsində bildirib.
O qeyd edib ki, dəvət olunan ölkələrlə koordinasiya prosesi hələ başa çatmayıb, lakin Rusiyanın BRİKS-də sədrliyi başa çatana qədər məsələnin həll olunacağı gözlənilir. Ryabkovun sözlərinə görə, bu, dəvət olunan ölkələr üçün əhəmiyyətli perspektivlər açır.
O, həmçinin əlavə edib ki, hazırda 13 dövlət tərəfdaş ölkə statusu almaq üçün müraciət edib, lakin tam siyahı hələ dərc olunmayıb.
Noyabrda Boliviya BRICS-in tərəfdaş ölkəsi olmağa razılaşıb.
BRİKS doqquz ölkənin birliyidir: Rusiya, Braziliya , Hindistan , Çin , Cənubi Afrika, İran , BƏƏ , Misir və Efiopiya. Təşkilat 2006-cı ilin iyununda Braziliya, Rusiya, Hindistan və Çinin iqtisadiyyat nazirliklərinin rəhbərlərinin iştirakı ilə Sankt-Peterburq İqtisadi Forumu çərçivəsində yaranıb.
Sonncu BRİKS sammiti oktyabrın 16- da Kazanda keçirilib.
Aytac
www.anews.az
Bizi sosial şəbəkələrdə izləyin !
