Braziliyanın cənub-şərqində daşqınlar 40 nəfərin həyatına son qoyub. APA-nın BBC-yə istinadən verdiyi məlumata görə, daşqınlara səbəb güclü leysan yağışı olub. Yerli hakimiyyət strukturlarının yaydığı məlumata görə, təbii fəlakət 50 minə yaxın insanı evsiz qoyub. Ən çox Minas-Jerays və Espiritu-Santu ştatları zərər çəkib. Ölkə prezidenti Dilma Rusef daşqınlardan zərər görmüş bölgələrə milyonlarla dollar vəsait ayrılacağına dair söz verib. ANN.Az