Dağıstanda azərbaycanlı səhra komandiri öldürüldü

Dağıstanın Xasavyurt rayonunda Rusiya güc strukturlarının apardığı əməliyyat nəticəsində əslən Azərbaycandan olan səhra komandiri Tural Atayev və 4 nəfər dəstə üzvü öldürülüb. ANS PRESS-in məlumatına görə, hadisə zamanı Rusiya güc strukturlarının bir əməkdaşı həlak olub və iki əməkdaşı yaralanıb. Rusiya güc strukturlarının yaydığı məlumata görə, 1988-ci ildə Azərbaycanda doğulmuş Tural Atayev həm də keçən ilin dekabr ayında Pyatiqorsk şəhərində baş vermiş terrorun əsas təşkilatçılarındandır. Bu barədə yayılmış məlumatda bildirilir ki, Atayevin dəstəsi çox sayda hüquq-mühafizə orqanlarının əməkdaşlarını qətlə yetirib, iş adamlarından reket yolu iri məbləğdə pullar alıb, partlayışlar təşkil edib.ANN.Az