Beynəlxalq Novruz bayramı ilə əlaqədar martın 20-dən 28-dək "Azərbaycan Dəmir Yolları” QSC-nin müəssisə və stansiyalarında fasiləsiz iş rejimi, yəni növbəli iş rejimi təşkil ediləcək.
Bu barədə Oxu.Az-a "Azərbaycan Dəmir Yolları” QSC-nin mətbuat katibliyinin rəisi Nadir Əzməmmədov "Bayramla bağlı hazırlıqlar nə yerdədir?” sualına cavab olaraq bildirib.
Mətbuat katibliyinin rəisi iş adamlarının nəzərinə çatdırır ki, vaqonların yüklənməsi və boşaldılması prosesində fasilələr olmayacaq.
Eyni zamanda bayram günlərində "Azərbaycan Dəmir Yolları” QSC-nin təsərrüfatları gücləndirilmiş iş rejimində fəaliyyət göstərəcəklər.
"Sərnişin daşımaları departamentinin kollektivi sərnişin sıxlığını qismən də olsa aradan qaldırmaq üçün ölkə daxilində hərəkət edən sərnişin qatarlarına hər gün 15-20 əlavə vaqonun qoşulmasını təmin edəcək” - deyə, Nadir Əzmmədov bildirib.
ANN.Az
Bizi sosial şəbəkələrdə izləyin !
