Deputat bələdiyyələrin azaldılmasından danışıb
28.10.2024 14:56
Ölkə üzrə bələdiyyələrin birləşdirilməsi vətəndaşlar üçün heç bir problem yaratmayacaq. Bunu Milli Məclisin Aqrar siyasət komitəsinin sədri Tahir Rzayev deyib.
"Bu isə ərazilərin, yaşayış məntəqələrinin seçilməsi və adlandırılması ilə əlaqədardır. Lakin burada vətəndaşların ünvanlarına heç bir təsir göstərilmir. Çünki ünvan bilavasitə vətəndaşların qeydiyyatında öz əksini tapıb və vətəndaşlar da həmin qeydiyyatda daimi olaraq qalırlar. Seçkilər zamanı həmin ərazilərdə yaşayan və qanunvericiliyə uyğun olaraq əraziləri müəyyən olunan insanlar öz ərazilərində yaradılan və ya fəaliyyət göstərən bələdiyyələrə səs verəcəklər", - trend agentliyi komitə sədrinə istinadla yazıb.
Azərbaycanda dekabrda növbəti bələdiyyə seçkiləri keçiriləcək.
Hazırda ölkə ərazisində 1606 bələdiyyə fəaliyyət göstərir.
Hazırda ölkə ərazisində 1606 bələdiyyə fəaliyyət göstərir.
Bələdiyyələr haqqında yeni qanundan sonra ölkə üzrə bələdiyyələrin azaldılması nəzərdə tutulub.
Gülnar
www.anews.az
Telegram
Bizi Teleqramda izləyin
Foto
Video
