İpoteka alan gənc ailələr üçün şərtlər dəyişdirilməlidir - Millət vəkili/VİDEO

"Belə bir tələbin olması məntiqli deyil. Aidiyatı qurumlardan xahiş edirəm ki, bu məsələni diqqətdə saxlasınlar. İmkan yaradılsın ki, gənc ailələr 600-700 manat kirayə ödədiyi pulu elə o kreditə ödəsinlər. Onsuz da ipoteka krediti bitməyənə kimi o mülk həmin şəxsin əmlakı sayılmır”, - deputat martin 29-da Milli Məclisdə Mülki Məcəlləyə  və "İpoteka haqqında” qanuna dəyişiklik edilməsi barədə qanun layihəsinin müzakirəsi zamanı bildirib.

 

İpoteka kreditləri istehlak məqsədi ilə verilən kreditlər qrupuna aiddir. Kreditin təyinatı mənzilin və ya digər fərdi yaşayış evinin alınmasıdır. Bu kredit növü uzunmüddətli olmaqla yanaşı illik faiz dərəcəsinin aşağı olması ilə seçilir. Belə ki, əksər istehlak kreditlərində illik faiz dərəcəsi 20 – 29% arası dəyişsə də İpoteka kreditlərində bu göstərici kredit götürən şəxsin social statusundan asılı olaraq 4% – 8% arasında dəyişir.Kreditin müddəti isə 30 ilədək ola bilir.

Dövlət İpoteka və Zəmanət fondunun banklara ayırdığı vəsaitlər hesabına rəsmiləşdirən İpoteka kreditləri "güzəştli” və "adi” ipoteka olmaqla 2 yerə ayrılır.

"Güzəştli” ipoteka – şəhid ailələri və milli qəhrəman ailələrinin üzvlərinə, elmi dərəcəsi olanlara, dövlət qulluqçularına və ya dövlət hökümət qarşısında xüsusi xidmətlərinə görə fərqlənən gənc ailələrə verilir. "Güzəştli” ipotekanın "adi” ipotekadan fərqi kredit müddətinin 5 ilədək çox olması (30 il) və illik faiz dərəcəsinin 4% olmasıdır. Çox az qrup bir müştəriyə təklif edilə bildiyi üçün biz bugünkü araşdırmamızda bu mövzuya toxunmayacağıq. Təxminən 1 – 2 il öncə İpoteka kreditlərinin ən geniş yayılan növü olan standart və ya adi ipoteka şərtləri üzrə standart şərtlər mövcud idi. Belə ki, kreditin maksimal müddəti 25 il, illik faiz dərəcəsi isə 8% müəyyən edilirdi. Digər şərtlərdə (ilkin ödəniş və bank xərci) cüzi fərqlər olsa da bu çox da nəzərə çarpmırdı.

Kreditin maksimal müddəti 25 il (300 ay), maksimal məbləği isə 150 000 AZN təşkil edir.