Millət vəkili Novruz Aslanov İsmayıllı rayonunun Bizlan və Qıcatan kəndlərində seçicilərini qəbul edib, onları maraqlandıran məsələlər barədə müzakirələr aparıb.
APA-nın xəbərinə görə, Bizlan kənd sakinləri millət vəkilinə torpaq islahatı və işlə təmin olunmaqları barədə müraciət ediblər. Qıcatan kənd sakinləri əsasən, kəndin yolu və təbii qazla bağlı problemləri deputatın diqqətinə çatdırıblar.
Novruz Aslanov bu məsələlərin həlli istiqamətində əlaqədar qurumlara müvafiq müraciətin ediləcəyini bildirib. Kəndlərdə keçirilən belə səyyar görüşlər zamanı deputata şəxsi problemlər barədə də müraciətlər edilir. Qaldırılan məsələlərdən əsasən müalicə və təhsil haqqının ödənişi həmişə deputatın diqqət mərkəzində olub. Belə problemlərin həlli üçün millət vəkili bütün mümkün imkanlardan istifadə edərək ərizəçilərə köməklik göstərir.
www.ann.az
Bizi sosial şəbəkələrdə izləyin !
