• $
  • €
  • ₽
  • ₺
  • £

Deputat: “Sərt karantin rejiminin davam etdirilməsi ən doğru qərar olacaq”

Deputat: “Sərt karantin rejiminin davam etdirilməsi ən doğru qərar olacaq”
30.06.2020 11:37
"Təəssüf ki, bu gün koronavirusa yoluxma sayı həndəsi silsilə ilə artmaqdadır. Statistik məlumatlara baxsaq, karantin rejiminin yumşaldılmasından sonra yoluxma sayı 50 faiz artıb”.

Bu sözləri Oxu.Az-a açıqlamasında əhalinin karantin rejimi qaydalarına riayət etməsi, qoruyucu vasitələrdən istifadənin zəruriliyi və ölkədə koronavirusa yoluxma hallarının azalaması istiqamətində həyata keçirilən tədbirlərin vacibliyinə münasibət bildirən millət vəkili Kamilə Əliyeva deyib.

O bildirib ki, ölkədə karantin rejiminin yumşaldılmasına qədər koronavirusa yoluxma sayı kifayət qədər nəzarətdə saxlanılırdısa, yumşaldılmadan sonra əhali arasında məsələyə laqeyd yanaşma müşahidə olundu:

"Əhali arasında biganəlik yoluxma sayının artmasına səbəb olan amillərdəndir. İnsanlar sanki virusun bir anda yox olduğunu düşünüb, ictimai yerlərdə maskasız gəzməyə başladılar. Zərurət olmadan küçəyə çıxan şəxslər, sosial məsafəni saxlamayan insanlar nəinki özlərini, eləcə də digərlərinin həyatını riskə atmış olurlar. Bununla birlikdə mübarizə aparmaq lazımdır”.

Millət vəkili bildirib ki, bugünkü vəziyyəti nəzərə alaraq, sərt karantin rejiminin davam etdirilməsi ən doğru qərar olacaq:

"Təbii ki, bu istiqamətdə qərarlar operativ qərargah tərəfindən verilir. Lakin bu gün yoluxma sayında heç bir azalma müşahidə olunmursa, əksinə, artım dinamikası varsa, eləcə də sağalanlarla yoluxanların sayı arasında böyük fərq mövcuddursa, demək, biz hələ də qaydalara ciddi riayət etmirik. Təəssüf ki, bu, ayrı-ayrı şəxslərin sağlamlığı deyil, bütün cəmiyyətin sağlamlığı kimi düşünülməlidir. Maska taxmaq həyat tərzimizə çevrilməlidir. Vaksin, birəbir dərman preparatları yoxdursa, tək yolumuz sağlamlığımızı müdafiə etməkdir. Əks təqdirdə, bizi çox böyük təhlükə gözləyir.

Çünki bu gün qarşıya qoyulan əsas məqsəd yoluxma tempini azaltmaqdır. Əks halda, xəstəxanalarda yerlər dolacaq. Süni tənəffüs aparatları ilə bağlı çətinliklər yaşanacaq. Eləcə də, tibbi personal, həkimlərimiz də kifayət qədər ciddi problemlərlə qarşılaşa bilərlər. Odur ki, müalicəyə minlərlə manat xərcləmək əvəzinə, 30 qəpik pul verib maska almaq daha yaxşıdır”.

"Cərimə məbləğinin artırılması vətəndaşları daha məsuliyyətli olmağa sövq etmək üçündür. Mən cərimələrin artırılmasını dəstəkləyirəm. Bildiyiniz kimi, cərimə məbləğləri artırıldı. İnsanlar ikiqat cərimələnəcəyini bilsə, daha məsuliyyətli olacaq. Bəlkə belə olan halda onlar karantin qaydalarına riayət edərək, zərurət olarsa, SMS vasitəsilə küçəyə çıxar. Hər kəs bilməlidir ki, maskanı taxmaq tək onun deyil, ətrafdakı insanların həyatı, sağlamlığı üçün vacibdir”, - deyə millət vəkili qeyd edib.

www.anews.az
Instagram
Keçid et
Oxşar xəbərlər
Oxşar xəbərlər
"QHT işi" üzrə ittiham olunan Bəşir Süleymanlıya hökm oxunub
Cəmiyyət 15:25
"QHT işi" üzrə ittiham olunan Bəşir Süleymanlıya hökm oxunub
Rusiya, Çin və ABŞ arasında üçtərəfli sammitin yekununda birgə bəyanat qəbul olunub
Cəmiyyət 14:54
Rusiya, Çin və ABŞ arasında üçtərəfli sammitin yekununda birgə bəyanat qəbul olunub
Hasil Abbasov: İşəgötürənlərlə əməkdaşlıq inzibatçılıqdan strateji tərəfdaşlıq səviyyəsinə qaldırılmalıdır
Cəmiyyət 14:24
Hasil Abbasov: İşəgötürənlərlə əməkdaşlıq inzibatçılıqdan strateji tərəfdaşlıq səviyyəsinə qaldırılmalıdır
Azərbaycana gətirilən 293,4 kq şokoladlı meyvə məhsulu məhv edilib
Cəmiyyət 12:54
Azərbaycana gətirilən 293,4 kq şokoladlı meyvə məhsulu məhv edilib
Xocalının Daşbulaq kəndində tut bağlarında 250 nəfər işlə təmin olunub
Cəmiyyət 12:31
Xocalının Daşbulaq kəndində tut bağlarında 250 nəfər işlə təmin olunub
Damazlıq heyvanların alınmasına görə fermerlərə 24 milyon manat güzəşt ayrılıb
Cəmiyyət 12:28
Damazlıq heyvanların alınmasına görə fermerlərə 24 milyon manat güzəşt ayrılıb
Fermerlərə 254 milyon manat əkin subsidiyası ödənilib
Cəmiyyət 12:25
Fermerlərə 254 milyon manat əkin subsidiyası ödənilib
Bu il fermerlərə 304 milyon manatlıq texnika və avadanlıq maliyyələşdirilib
Cəmiyyət 12:22
Bu il fermerlərə 304 milyon manatlıq texnika və avadanlıq maliyyələşdirilib
Pensiyalar sabah ödəniləcək
Cəmiyyət 12:11
Pensiyalar sabah ödəniləcək
Anews TV

Rəsmi Youtube kanalımız

Abunə ol