Deputatların təqdim etdiyi təkliflər mərhələli şəkildə icra ediləcək

"2025-ci il dövlət büdcəsi haqqında” qanunla bağlı deputatların təklif etdiyi məsələlər mərhələli şəkildə həllini tapacaq. Bunu iqtisadiyyat nazirinin müavini Sahib Ələkbərov deyib. 

"Deputatların ünvanladığı suallar qeydiyayta alınıb və hazırda araşdıırlır. Nazirliyin mövqeyini hazırlamışıq. Hər bir deputata çatdırılacaq. Ünvanlanan sualların çoxu  insanların rifah halının yaxşılaşdıırlması istiqamətindədir, təkliflərlə bağlıdır. Təkliflər müsbət istiqamətdə həllini tapır. Həll olunması mümkün olmayan məsələ yoxdur. Proses mərhələli şəkildə həll olunacaq", - nazir müavini bildirib. 
 
"2025-ci il dövlət büdcəsi haqqında” qanunun müzakirəsi zamanı deputatlar bir sıra sosial problemlər eləcə də bölgələrdə yeni iş yerlərinin yaradılmasının daha çox vacib olduğunu bildiriblər. 
 
Eyni zamanda gündəmdə veteranara verilən 80 manatın artırılması da müzakirə edilib. 
 
Gülnar Nazimqızı

www.anews.az