Dünyanın ən qədim şirkətləri - SİYAHI

15.10.2014 18:46

Hesablamalara görə, müasir dünyamızda yaradılan bir şirkətin orta ömrü 40-50 il təşkil edir. Amma bəzi şirkətlər var ki, 100, hətta 1000 ildən çox yaşı var. Bu şirkətlər nə qədər iqtisadi böhranlar, nə qədər dünya müharibələri görsələr də, öz işlərini indiyədək uğurla davam etdirirlər. Həm də əksər qədmi şirkətlər onları quran ailələr tərəfindən idarə olunur. ANN.Az "Business Insider" saytına istinadən ən qədim şirkətləri təqdim edir: 1. Nisiyama Onsen Keiunkan - 705-ci ilDünyanın ən qədim hoteli - Yaponiyanın Yamanaşı şəhərində fəaliyyət göstərir. 705-ci ildən bəri fasiləsiz xidmət göstərməyi ilə hotelin adı Ginnesin Rekordlar Kitabına düşüb.

2. Stiftskeller St. Peter - 803-cü ilAvstriyanın Zaltsburq şəhərindəki bu restoran 803-cü ildən indiyə kimi fasiləsiz olaraq əhaliyə və şəhərə gələn turistlərə xidmət edir.

3. Sean's Bar - 900-cu ilAvropanın ən qədim barlarından hesab olunan bu yer İrlandiyanın Atlon şəhərindədir.

4. Weihenstephan - 1040-cı ilAlmaniyanın Bavariya əyalətində yaradılan bu pivə şirkəti 2040-cı ildə 1000 yaşını qeyd etməyə hazırlaşır.

5. Frapin - 1270-ci ilFransanın Seqonzak şəhərindəki konyak istehsal edən şirkəti yaradan ailə indiyə kimi quruma rəhbərlik edir.

6. The Shore Porters Society - 1498-ci ilŞotlandiyanın Aberdin şəhərindəki logistik şirkət indiyə qədər varlığını qoruya bilib.

7. Beretta - 1526-cı ilİtaliyanın Qardon şəhərində yaradılan dünyanın ən qədim silah istehsal edən şirkəti. Yaradıldığı ailə tərəfindən indiyədək idarə olunur.

8. Cambridge University Press - 1534-cü ilİngiltərənin Kembric Universitetinin nəşriyyat evi dünyanın ən qədim nəşriyyatlarından biri hesab olunur. İsaq Nyutonun klassik əsəri hesab olunan "Principia Mathematica" bu nəşriyyatda ilk dəfə dərc olunub.

9. Whitechapel Bell Foundry - 1570-ci ilİngiltərənin London şəhərində yaradılan zınqırov istehsal edən şirkət düz 27 ingilis kral və kraliçanı qəbirə yola salıb.

10. Bushmills - 1608-ci ilDünyanın ən qədim viski evi Şimali İrlandiyanın Antrim bölgəsində yerləşir. Bu markanın adı Ceyms Consun məşhur "Uels" romanında da çəkilir.

11. Zildjian - 1623-cü ilOsmanlı imperiyası zamanında İstanbulda Avenis Zilciyan tərəfindən yaradılan bu şirkət hələ də tanınmış musiqi qruplarının istifadə etdiyi zərb alətlərinin istehsalçıdır. Rolling Stones və The Beatles kimi dünyaca məşhur qrupların musiqiçiləri məhz "Zildjian" zərb alətlərindən istifadə edib.

12.Gekkeikan - 1637-ci ilYaponiyanın Kyoto şəhərində yaradılan bu şikət yaponların milli içkisi hesab olunan sake istehsal edir.

13. Shirley Plantation - 1638-ci ilAmerikanın ən qədim ailə şirkəti bir çox tarixi hadisələrə şahid olub.

14. Royal Delft - 1653-cü ilDünyanın ən qədim saxsı qab istehsalçısı olan bu şirkət Hollandiyanın Delft şəhərində yerləşir.

15. Twinings - 1706-cı ilÇay istehsal edən bu şirkət isə Londonun mərkəzində yerləşir.

16. Sotheby's - 1744Hələ də adını tez-tez eşitdiyimiz hərrac şirkəti olan "Sotheby`s" əsrləri arxada qoyaraq günümüzə qədər yaşamağı bacarıb. Şirkəti kitab satıcısı Samuel Baker yaradıb.