Bloomberg mütəxəssislərinin hesablamalarına görə, dünyanın 400 ən varlı adamının kapitalı artıq 4,1 trilyon dollara çatıb. Onların içində ən uğurluları Çinə məxsus Alibaba online-riteylerinin banisi və direktorlar şurasının sədri Cek Ma, Dalian Wanda Group investisiya kompaniyasının sahibi Van Tsyan Lin, həmçinin Berkshire Hathaway investisiya holdinqinin başçısı Uorren Baffet olub.
Cek Ma il ərzində öz kapitalını 25,1 milyard dollar artırıb. Onun 1999-cu ildə qurduğu Alibaba kompaniyanın aksiyalarının qiyməti təxminən 56 faiz bahalaşıb. Beləliklə də, Bloomberg agentliyinin məlumatına görə, keçmiş ingilis dili müəllimi Asiya qitəsinin ən varlı adamına çevrilib.
Uorren Baffet isə bu müddət ərzində sahib olduğu Berkshire Hathaway holdinqinin aksiyalarının 28 faiz bahalaşması nəticəsində 13,7 milyard dollar qazana bilib.
Van Tsyan Lin 2014-cü ildə 12,8 milyard dollar gəlir əldə edib. Ona məxsus Dalian Wanda Group kompaniyasının aksiyalarının qiyməti ümumilikdə 25,3 milyard dollara çatıb.//azvision.az
Bizi sosial şəbəkələrdə izləyin !
