Dohada Qəzza zolağında atəşkəslə bağlı danışıqlar başlayıb

Fələstinin HƏMAS hərəkatının nümayəndələrinin iştirakı ilə bağlı məlumat verilmir. 

 

Avqustun 9-da Misir, Qətər və ABŞ liderləri birgə bəyanat yayaraq, İsrail və HƏMAS-ı avqustun 15-də Qəzza zolağında atəşkəs danışıqlarını bərpa etməyə çağırıblar. Vasitəçilər həmçinin ABŞ prezidenti Co Baydenin irəli sürdüyü və BMT Təhlükəsizlik Şurasının 2735 saylı qətnaməsi ilə dəstəklənən prinsiplərə əsaslanan yekun saziş layihəsini təqdim etməyə hazır olduqlarını açıqlayıblar. HƏMAS hərəkatı avqustun 11-də vasitəçiləri Qəzzada atəşkəs razılaşmasının həyata keçirilməsi üçün konkret plan təqdim etməyə və İsraili onu yerinə yetirməyə məcbur etməyə çağırıb.




Həmas nümayəndələri dəfələrlə hərəkatın nümayəndə heyətinin Dohada keçiriləcək danışıqlarda iştirak etməyəcəyini bəyan ediblər. Məsləhətləşmələr ərəfəsində ABŞ Dövlət Departamentinin mətbuat xidmətinin rəhbərinin müavini Vedant Patel bildirib ki, Qətər ABŞ-ı HƏMAS nümayəndələrinin hələ də iştirak edəcəyinə əmin edib. Reuters mənbələrinin məlumatına görə, vasitəçilər danışıqların yeni raundundan sonra Həmas ilə məsləhətləşmələr aparmağı gözləyirlər. 

 

Aytac