Dünyanın ən məşhur müğənnisi ölüm ayağındadır
13.08.2018 11:50
Əfsanəvi amerikalı müğənni, soul kraliçası Areta Franklin ölüm ayağındadır.
Onda xərçəng aşkarlanıb.
Anews.az milli.az-a istinadən bildirir ki, 76 yaşlı müğənni hazırda Detroytdakı evindədir.
Müğənninin ailəsi fanatlara müraciət edərək A.Franklinin şəxsi həyat hüququna sayğı ilə yanaşmağı xahiş ediblər.
Areta Franklində mədəaltı vəzi xərçənginin aşkarlandığı barədə məlumatlar hələ 2010-cu ildə yayılmışdı. Müğənni bu məlumatları qətiyyətlə təkzib edirdi.
Aretanın bacısı və meneceri Sesil Franklin 1989-cu ildə ağciyər xərçənginən vəfat edib.
A.Franklinin ortancıl bacısı Kerolayn 1988-ci ildə döş xərçəngindən, böyük bacısı Erma isə 2002-ci ildə qırtlaq xərçəngindən vəfat edib.
1960-1970-ci illərdə məşhurlaşmış Areta Franklin 1987-ci ildə "Rok-n-rollun şərəf zalı"na adı düşmüş ilk qadın olmuşdu.
2008-ci ildə nüfuhzlu "Rolling Stone" jurnalı Areta Franklini "Dünya tarixinin ən məşhur qadın müğənnisi" elan etmişdi.
18 "Grammy" mükafatı almış Areta Franklin uzun müddət izafi çəki, spirtli içkilərə və siqaretə aludəçilikdən qurtulmağa çalışıb.
www.anews.az
Oxşar xəbərlər
Oxşar xəbərlər
Foto 
Video 
