Fövqəladə Hallar Nazirliyi erməni təxribatı ilə bağlı məlumat yayıb.

Anews.az-a daxil olan məlumatda bildirilir ki, Ermənistanın hərbi-siyasi rəhbərliyinin təxribatçı xislətindən irəli gələrək Ermənistan silahlı qüvvələri beynəlxalq humanitar hüququn norma və prinsiplərini kobudcasına pozaraq əhalinin sıx yaşadığı yaşayış məntəqələrini, fərdi və çoxmənzilli yaşayış binalarını, o cümlədən mülki obyektləri ağır artilleriya qurğularından atəşə tutmaqda davam edir. Nəticədə, yanğınlar baş verir, dinc əhalinin əmlakına ciddi ziyan yetirilir.