Dövlət Neft Fondunun "Şahdəniz"-dən əldə etdiyi gəlir kəskin azalıb
04.07.2024 15:32
2024-cü ilin ilin ilk altı ayında Azərbaycan Dövlət Neft Fondu (SOFAZ) Xəzər dənizinin Azərbaycan sektorunda yerləşən "Şahdəniz” yatağının istismarından 244,069 milyon dolları gəlir əldə edib ki, bu da ötən ilin eyni dövrü ilə müqayisədə 4,1 dəfə azdır. Bu barədə SOFAZ məlumat yayıb.
www.anews.az
Bu ilin ilk 6 ayında Neft Fonduna "Şahdəniz”dən daxil olan vəsaitlərin 60,784 milyon dolları qaz kondensatın payına düşüb. Bu 2023-cü ilin eyni dövrü ilə müqayisədə 3,5 dəfə azdır.
2023-cü ilin birinci yarısında SOFAZ-a "Şahdəniz” yatağının istismarından daxil olan gəlir 1 milyard dollar, qaz kondensatının satışından gələn gəlir isə 210,9 milyon dollar təşkil edib.
"Şahdəniz" perspektiv sahəsinin kəşfiyyatı, işlənməsi və hasilatın pay bölgüsü haqqında saziş 1996-cı il iyunun 4-də imzalanıb. "Şahdəniz" üzrə hasilatın pay bölgüsü (PSA) sazişi 17 oktyabr 1996-cı ildə ratifikasiya olunub.
Bakıdan 70 km cənub-şərqdə yerləşən bu yataq 1999-cu ildə kəşf olunub.
2013-cü il dekabrın 17-də Bakıda imzalanmış sənədlərə görə "Şahdəniz" yatağının işlənməsi ilə bağlı PSA sazişinin müddəti 2036-cı ildən 2046-cı ilədək uzadılıb.
"Şahdəniz” üzrə iştirak payları layihəsində BP (operator – 29,99 %), "Lukoil” (19,99 %), TPAO (19 %), NİKO (10 %), "Cənub Qaz Dəhlizi” (21,02 %) şirkətləri paya malikdir.
N.Təbrizli
www.anews.az
Son xəbərlər 
Daha çox
Foto 
Video 
