“Ötən il 50-dən çox qanunsuz fəaliyyət göstərən dönərxana bağlanılıb”.ANS PRESS-in məlumatına görə, bunu jurnalistlərə açıqlamasında Dövlət Baytarlıq Xidmətinin rəisi Siyalə Rüstəmova deyib. O bildirib ki, bu il də mütamədi olaraq monitorinqlər aparılır və fakt aşkarlanan kimi cəza tədbirləri görülür:“Qanunsuz dönər satışı ilə bağlı monitorinqlərimiz davam edir. Sənədləri olmayan dönərxanalara müvafiq tədbirlər görülür. Bildiyiniz kimi, biz Səhiyyə Nazirliyi ilə birgə tədbirlər aparırıq. Ardıcıl olaraq harda bu cür faktlar aşkarlanırsa qərar verilir ki, həmin yer bağlanılsın və cəza tətbiq olunur”.Qanunsuz ət kəsimi ilə bağlı da danışan rəis bildirib ki, hazırda rayonlarda monitorinqlər aparılır. Siyalə Rüstəmova qeyd edib ki, nazir Heydər Əsədov bu məsələyə bölgələrdə ciddi nəzarət olunması ilə bağlı tapşırıq verib: “Baytarlar gücləndirilmiş iş rejimində çalışır. Son Bərdə tədbirindən bu yana qanunsuz ət kəsimi ilə bağlı hal müşahidə olunmayıb”. ANN.Az