Ədəbiyyatın şah əsərlərində biri Azərbaycan dilində!
Bu gün Qanun nəşrlər evində iki yeni kitab satışa göndərildi. Bunlar Çezare Paveze "Ay və Tonqallar” və Valeri Sinelnikov " Stressə qarşı peyvənd” kitablarıdı.
Bu kitab iyirminci əsr ədəbiyyatının şah əsərlərindən biridir
Romanın adsız qəhramanı Amerikadan İtaliyaya öz doğma yurduna qayıdır. Onun işləri Amerikada uğurlu olsa da, bu uğur onun uşaqlığının keçdiyi yerləri, müharibədən sonra vətənindəki vəziyyəti öyrənmək istəyini basdıra bilmir. Dəhşətli faşizm illərindən sonra vətənində nələrin baş verdiyini öyrənmək üçün qayıtdığı ölkəsində qarşılaşdığı mənzərə romanda son dərəcə güclü lirizm yaradır.
Çezare Pavezenin son əsəri və ən yaxşı romanı sayılan, 1950-ci ildə Milli Streqa Mükafatına layiq görülən "Ay və tonqallar” sol təfəkkürlü yazıçının könüllü sağollaşdığı həyatına nisgilli baxışdır. Bu kitab sərgərdan vətəninə, doğma dağlarına, meşələrinə, üzümlüklərinə, ən ülvi cavanlıq xatirələrinə qayıdışıyla bərabər, müharibənin insan talelərinə vurduğu zərbənin bariz nümunəsidir.
Tərcümə: Kifayət Haqverdiyeva
Sizi stressdən birdəfəlik qurtaracaq kitab
V.Sinelnikov – tanınmış və təcrübəli psixoterapevt, psixoloq, sadəliyi və müalicəvi effektliliyinə görə minlərlə adama sağlamlığını qaytarmağa, rifahını yüksəltməyə, həyat sevincini dərk etməyə kömək edən unikal psixoloji metodikaların müəllifidir. Onun kitablarından hələ lazımınca ifadəsini tapmamış, instinktiv gücünüzdən qüvvə və enerji toplamaq, öz problemlərinizdən baş çıxarmaq, stress və xəstəliyin nə olduğunu birdəfəlik unutmaq üçün necə istifadə etməyi öyrənəcəksiniz. Kitab müalicəvi gücə malikdir və onun pozitiv təsiri onu əlinizə götürdüyünüz andan başlayır.
Tərcümə: Gülnarə Bəkirova
www.ann.az
Oxşar xəbərlər
Oxşar xəbərlər
Son xəbərlər
Daha çox