Mayın 27-də Milli Məclisin Elm və təhsil komitəsinin iclasında deputat Fatma Yıldırım məktəb dərsliklərində ekologiyanın tədrisi, vəsaitlərin hazırlanması, layihələrin icrası, müəllimlərin hazırlıqlı olması, təlim və seminarların keçirilməsinə ehtiyac olduğunu vurğulayıb.

Komitə sədri Bəxtiyar Əliyev bildirib ki, Milli Məclisin 2002-ci ildə qəbul etdiyi "Əhalinin ekoloji təhsili və maarifləndirilməsi haqqında" qanununda ekoloji biliklərin icbariliyinin vacibliyi adlı bənd yer alıb.
 
Ekologiya ilə bağlı dərslər məktəblərdə icbari qaydada tədris edilməlidirmi?
 
Elm və təhsil komitəsinin üzvü, deputat Etibar Əliyev bildirib ki, kiçik yaşlardan uşaqlarda ekoloji şüur anlayışı formalaşdırılmalıdır.
 
"İndi bütün dünyada ekoloji şüur anlayışı işlədilir. Ekoloji şüur anlayışı uşaqlıqdan formalaşmalıdır. Bunun üçün də tədris çox vacibdir. Burada böyüklərin də uşaqlarda ekoloji şüurun formalaşmasında müəyyən rolu olmalıdır.  Ekologiya inteqral elmdir. Yəni ekologiyaya bir çox elmlər – kimya, biologiya, etika, insan psixologiyası daxildir. İnteqral elm olduğuna görə, orta məktəblərdə əgər tədris ediləcəksə, o qədər sadə yazılmalı, elmlər arasında fənlərarası yanaşma üstünlük təşkil etməlidir ki, uşaqlar bu fənni mənimsəməklə onu elm kimi bütövləşdirən fənləri də qavraya bilsinlər",  -  Əliyev bildirib.  
 
Təhsil eksperti Elçin Əfəndi hesab edir ki, ekologiya ilə bağlı əlavə fənnin tədris olunmasına ehtiyac yoxdur.
 
"Ekologiya, ekoloji böhran, o cümlədən digər məsələlərlə bağlı ibtidai təhsil pilləsində Həyat bilgisi dərsliyində qismən də olsa informasiya verilir. Təbiət fənləri çərçivəsində də şagirdlər bu barədə məlumat alırr. Ayrıca fənn kimi bunun tədrisinə ehtiyac yoxdur, çünki təbiət fənlərinin daxilində ekoloji problemlərlə bağlı, bunun yaranması, ekologiyanın qorunması və s. mövzulara toxunulur. Xüsusi olaraq biologiya fənnində, coğrafiya, fizika və kimya fənnlərində də müəyyən bölmələr var ki, onların yaranma səbəbləri, ekoloji böhran vəziyyətinin bəşəriyyətə, planetə hansı mənfi təsirləri ola bilərsə, bunun barəsində kifayət qədər məlumat verilir. Əlavə dərslik kimi yox, müəyyən seminarların, təlimlərin, konfransların keçirilməsi daha məqsədəuyğun olar ki , elmi-kütləvi bir tədbir kimi şagirdlər konkret olaraq bu istiqamətə fokuslana bilsinlər. Bütün məktəbdə təhsil alanlara bu barədə məlumat verilməsi, o cümlədən auditoriyalarda məhz ekologiyanın qorunması ilə bağlı, ekoloji böhranın yaratdığı fəsadlarla bağlı müəyyən posterlər, bannerlərin yerləşdirilməsi daha məqsədəuyğun ola bilər”, - Əfəndi vurğulayıb.
 
Təhsil eksperti Elmin Nuri hesab edir ki, ekologiya ilə bağlı ayrıca fənnin tədris edilməsi uğurlu addım ola bilər
 
 
 
 

www.anews.az