2024-cü ildə ÜDM 4% artıb - Prezident Əliyev
07.01.2025 21:22
2024-cü ildə Azərbaycanda ÜDM 2023-cü ilə nisbətən 4%, qeyri neft ÜDM 6% artıb. Bunu Azərbaycan Respublikasının prezidenti İlham Əliyev yerli telekanallara verdiyi müsahibədə bildirib.
Onun sözlərinə görə, Azəraycanın strateji valyuta ehtiyatları 5 milyard dollar artaraq 72 milyard dollar təşkil edib.
"Azərbaycan xarici borcunun ÜDMə nisbəti 7,2% təşkil edir. Bu rəqəm 20% təşkil edəndə biz 10% hədəf qoymuşduq. Bizim xarici borcumuz 5,2 milyard dollara bərabərdir və biz onu qrafiklə ödəyirik. Bu borc azalacaq. Odur ki, biz əlavə borclar götürə bilərik. Bu ilin büdcəsi rekord sviyyədədir", - Əliyev əlavə edib.
Onun sözlərinə görə, 2025ci ilin icmal büdcəsi 46 milyard manatı ötüb.
"Bu yalnız daxili resurslar, şəffaflıq, idarətetmə və düzgün iqtisadi siyasət nəticəsində biz bu nailiyyətlərə çatmışıq. İqtisadi cəhətdən sən heç kimdən asılı deyilsənsə müstəqil siyasi siyasət apara bilərsən", - Əliyev deyib.
Onun sözlərinə görə, ölkədə daha fəal sosial proqramlar həyata keçirilib, minimal əmək haqqı 55 manat artaraq 400 manata çatdırılıb.
"Bu qədər böyük sərmayə qoyan və Qarabağın bərpası kimi qarşımızda bu qədər böyük problemi olan ölkədə bu sahəyə də bu diqqəti yetirmək, əlbəttə ki, bizim siyasətimizin, necə deyərlər, mahiyyətini göstərir. Yəni, Azərbaycan vətəndaşları ildən-ilə daha yaxşı yaşamalıdırlar. Cəmiyyətdə də, siyasətdə də, ailədə də hər şey ədalətli olmalıdır və sosial ədalət prinsipləri həmişə bizim üçün vacib olub”, - prezident deyib.
İnflyasiiya keçən il 2%-dən çox olub.
4 sosial paket həyata keçirilib və buna 7 milyard manatdan çox vəsait xərclənib.
N.Təbrizli
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
