SOCAR-ın idarəsi qeyri-neft ixracını kəskin azaldıb, ölkə üzrə artım qeydə alınıb
03.03.2026 16:06
Bu ilin yanvar ayında Azərbaycan Dövlət Neft Şirkəti (SOCAR) Marketinq və İqtisadi Əməliyyatlar İdarəsi 14,4 milyon ABŞ dolları dəyərində qeyri-neft məhsulu ixrac edib.
Bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın yanvar sayında bildirilir.
Hesabata əsasən, bu göstərici 2025-ci ilin yanvar ayı ilə müqayisədə 24,3 milyon ABŞ dolları və ya 2,7 dəfə azdır.
Bununla yanaşı, yanvar ayında Azərbaycanın qeyri-neft sektoru üzrə ümumi ixracı ötən ilin eyni dövrü ilə müqayisədə 9 % artaraq 268,4 milyon ABŞ dolları təşkil edib.
Beləliklə, SOCAR-ın müvafiq idarəsinin qeyri-neft ixracında azalma müşahidə olunsa da, ölkə üzrə qeyri-neft ixracında artım tendensiyası davam edib.
Foto 
Video 
