2032-yə qədər 6–8 giqavat bərpa olunan enerji istehsal edəcəyik - baş nazir

Azərbaycan 2032-ci ilə qədər alternativ və bərpa olunan enerji mənbələrindən 6–8 giqavat elektrik enerjisi əldə etməyi gözləyir. Bunu baş nazir Əli Əsədov Milli Məclisdə çıxışı zamanı deyib. 

Onun sözlərinə görə, ölkənin bərpa olunan enerji potensialının reallaşdırılması məqsədilə dünyanın aparıcı ölkələrinin şirkətləri ilə əməkdaşlıq qurulub və bu istiqamətdə bir sıra layihələr həyata keçirilir.

Baş nazir qeyd edib ki, bu layihələr enerji təhlükəsizliyinin möhkəmləndirilməsinə, enerji mənbələrinin şaxələndirilməsinə və dayanıqlı inkişafın təmin olunmasına xidmət edir.

Gülnar Nazimqızı