Misirdə inqilab zamanı baş verən qarşıdurmalarda yüzlərlə nümayişçinin ölümündə təqsirləndirilən keçmiş prezident Hüsnü Mübarək ona elan olunacaq hökm üçün Qahirəyə gətirilib. 

ANN.Az modern.az-a istinadən xəbər verir ki, vertolyotla paytaxta gətirilən Mübarəkə hökm Qahirə Polis Akademiyasında elan olunacaq. Misir KİV-i eks-prezidentlə bağlı məhkəməni “əsrin prosesi” adlandırır. 

Mübarək 2011-ci ilin yanvar ayında baş verən inqilab zamanı 750-dən çox nümayişçinin öldürülməsində ittiham olunur. Bu keçmiş prezidentlə bağlı ikinci prosesdir və 496 gün davam edib. Onun ömürlük azadlıqdan məhrum edilməsini nəzərdə tutan ilk məhkəmə hökmü 2012-ci ilin iyun ayında çıxarılıb. Vəkillər həmin hökmdən şikayət verdiklərinə görə, proses 2013-cü ilin aprel ayında yenidən başlayıb.

ANN.Az