Əli Əsədov İranın yeni təyin olunan birinci vitse-prezidentini təbrik edib
29.07.2024 14:24
Azərbaycanın baş naziri Əli Əsədov Məhəmməd Rza Arifə İran İslam Respublikasının birinci vitse-prezidenti vəzifəsinə təyin olunması ilə əlaqədar təbrik məktubu göndərib.Bu barədə Nazirlər Kabinetinin mətbuat xidməti məlumat yayıb.
Məktubda Azərbaycanın İranla ortaq dini və mədəni köklər, qarşılıqlı hörmət və mehriban qonşuluq kimi möhkəm təməllər üzərində qurulan əlaqələrə böyük əhəmiyyət verdiyi vurğulanır.
Azərbaycan-İran münasibətlərinin daha da möhkəmləndirilməsi və qarşılıqlı faydalı əməkdaşlığın genişləndirilməsi istiqamətində birgə addımlar atmağa hazır olduqlarını bildiriblər.
www.anews.az
Foto 
Video 
