"Mercedes Gelandewagen”lə qəza törədərək iki nəfərin ölümünə səbəb olan, avtomobili isə yanan Qaçqın və Məcburi Köçkünlərin İşi üzrə Dövlət Komitəsinin sədri, baş nazirin müavini  Əli Həsənovun nəvəsi Nail Allahverdiyevin mediaya bəlli olan maşın kolleksiyasının təxmini qiyməti hesablanıb. 

İstiPress-in məlumatına görə, bunu iqtisadçı Qubad İbadoğlu hesablayıb.

O, qeyd edib ki, kolleksiyanı yaratmaq üçün hazırkı orta aylıq əmək haqqı ilə ən azı 326 il, ən çoxu isə 464 il işləmək lazımdır. Bu məbləğ hesabına ən azı 56 min 582, ən çoxu isə 80 min 524 məcburi köçkünə yaşayış ehtiyaclarını və kommunal xərclərini ödəmək üçün ayrılan aylıq yardımı 2 dəfəyədək artırmaq olar.

Nazir müavininin nəvəsinin kolleksiyasına daxil olan avtomobillərin qiyməti: 

1. Mercedes G Wagon Brabus

Qiyməti 138.200 avrodan (276400 manatdan) 474.810 avroyadək ( 949620 manatadək)

2. Mercedes G 65 AMG

Qiyməti 218.000 ABŞ dollarıdır. ( 370.000 manatdır)

3. Mercedes-Benz SLS AMG

Qiyməti 201.500 ABŞ dollarıdır (342.550 manatdır)

4. Mercedes-Benz AMG GT S

Qiyməti 110.000 ABŞ dollardan (187.000 manatdan) 130.000 ABŞ dollaradək (221.000 manatadək)

5. Aston Martin

Qiyməti 196.086 ABŞ dollarıdır (333.346 manatdır).

6. Porsche Cayenne

Qiyməti 53900 ABŞ dollarından (91.630 manatdan) 79.995 ABŞ dollarıdır (135.991 manatdır).

7. Audi Q-7

Qiyməti 57.998 ABŞ dollarıdır (98.596 Manatdır).

8. Bentley Continental GT

Qiyməti 198.500 ABŞ dollarından (337.450 manatdan ) 263.400 ABŞ dollarınadək (447.780 manatadək).

8 avtomobilə xərclənən vəsait ən azi 2 milyon 36 min 972 manat

1 avtomobilin orta qiyməti 254 min 622 manatdır.

Ən çoxu - 2 milyon 898 min 883 manat. 

1 avtomobilin orta qiyməti 362 min 360 manat.