Bu gün vətən müharibəsi qazilərinə avtomobillər verilib
25.11.2021 13:24
2021-ci ildə Vətən müharibəsi qazisinə 150 avtomobil verilib və bu iş 2022-ci ildə də davam etdiriləcək. Bunu əmək və əhalinin sosial müdafiəsi nazirinin müavini Hidayət Abdullayev paytaxtda keçirilən Zəfər avtoyürüşü zamanı jurnalistlərə açıqlamasında deyib.
"Əmək və Əhalinin Sosial Müdafiəsi Nazirliyi olaraq bu kateqoriyaya aid olan vətəndaşlarımıza çoxsaylı sosial xidmətlər göstərilir. Təkcə bu il 33 min vətəndaşımız sosial xidmətlərdən yararlanıb. Bu Zəfər yürüşü də məhz Vətən müharibəsi əlillərinə verilən avtomobillərlə keçirildi. Bu il 150 avtomobil bu kateqoriyaya aid olan vətəndaşlarımıza təqdim edilib və proqram gələn il də davam etdiriləcək", - deyə o bildirib.
Abdullayev həmçinin bildirib ki, 2021-ci ilin sonuna kimi 3 min qazi və şəhid ailəsi fərdi ev və mənzillərlə təmin olunacaq.
"Artıq indiyə kimi 2 minə yaxın qaziyə mənzil təqdim edilib. Bundan əlavə bu il ərzində 5 500-ə yaxın qazi və şəhid ailələri özünüməşğulluq proqramına cəlb edilib", - deyə o bildirib.
Samirə Əliyeva
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Cəmiyyət 11:10
Ölkədaxili yükdaşıma ilə məşğul olanlara 8%-lik sadələşdirilmiş vergi tətbiqi təklif olunur
Cəmiyyət 11:04
Turizm fəaliyyəti ilə məşğul olan sahibkarlar üçün 5 illik vergi güzəşti təklif edilir
Cəmiyyət 10:40
Dərmanları Tarif Şurasının qiymətindən ucuz satanlara yeni vergi qaydası tətbiq oluna bilər
Foto
Video
