Əlilliyi olan şəxslərə verilmiş reabilitasiya vasitələrinin sayı açıqlanıb

10:57 | 15.05.2024
Əlilliyi olan şəxslərə verilmiş reabilitasiya vasitələrinin sayı açıqlanıb

Əlilliyi olan şəxslərə verilmiş reabilitasiya vasitələrinin sayı açıqlanıb

2024-cü ilin yanvar-aprelində 5.5 min nəfər əlilliyi olan şəxsə Dövlət Tibbi-Sosial Ekspertiza və Reabilitasiya Agentliyi tərəfindən 40,2 min reabilitasiya vasitəsi verilib. Bu barədə Əmək və Əhalinin Sosial Müdafiəsi Nazirliyi məlumat yayıb.
 
Verilmiş reabilitasiya vasitələrindən 3,5 mini təkərli oturacaq (o cümlədən 6-sı mühərrikli təkərli oturacaq), 835-i aşağı və yuxarı ətraf protezi, 944-ü eşitmə aparatı, 953-ü qoltuqaltı və dirsəkaltı ağac, 1073 cüt protez ayaqqabı, 1,8 min cüt ortopedik ayaqqabı, 29 korset və s. reabilitasiya vasitələri təqdim olunub.
 
Fevralın 5-i Əmək və Əhalinin Sosial Müdafiəsi Nazirliyi bildirib ki, əlilliyi olan şəxslərə verilən reabilitasiya vasitələri növlərinin sayı 57-dən 81-ə çatdırılacaq. 

Bundan əvvəl, 2020-ci ildə Nazirliyin təklifləri əsasında həmin siyahıya 23 reabilitasiya növü də daxil edilərək, siyahıdakı reabilitasiya vasitələri növlərinin sayı 57-yə çatdırılıb.
 
2023-cü ildə əlilliyi olan şəxslərə ümumilikdə 91 400 köməkçi vasitələr dövlət büdcəsi hesabına verilib. 
 
Aygün 

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb