Əliyev Dağıstan rəhbərinə və Putinə başsağlığı məktubu göndərib

Azərbaycan Prezidenti İlham Əliyev Rusiya Federasiyasının Prezidenti Vladimir Putinə və Dağıstan Respublikasının rəhbəri Sergey Məlikova Dağıstanda baş verən terror aktı ilə bağlı başsağlığı məktubu göndərib. Bu barədə President.az saytı məlumat yayıb. 



"Dağıstanda törədilmiş terror aktları nəticəsində dinc vətəndaşların və hüquq-mühafizə orqanlarının əməkdaşlarının həlak olması xəbəri məni dərindən sarsıtdı. Bu qanlı cinayətləri qətiyyətlə pisləyir, terrorizmin bütün forma və təzahürləri ilə mübarizəni dəstəkləyirik. Azərbaycan xalqı adından və şəxsən öz adımdan Sizə, həlak olanların doğmalarına və yaxınlarına dərin hüznlə başsağlığı verir, bütün zərərçəkənlərin tezliklə şəfa tapmasını arzulayıram", - məktubda deyilir. 


İyunun 23-də Dağıstanda terror aktları törədilib. Hadisələr zamanı 15-dən çox polis əməkdaşı həlak olub. Terrorçular zərərsizləşdiriliblər.

www.anews.az