Ərdəbil meri azərbaycanlı jurnalistləri təhqir etdi

İranın Ərdəbil vilayətinin ostandarı Məcid Xudabəxş Azərbaycanın Təbrizdəki baş konsulu Əli Əlizadə ilə görüşüb. Baş konsulumuzun Ərdəbilə səfəri çərçivəsində ostandarla görüşündə bir sıra məsələlər müzakirə edilib. Modern.az İran mətbuatına istinadən xəbər verir ki, görüşdə M. Xudabəxş Azərbaycanın bəzi mətbuat nümayəndələrindən şikayətlənib. Azərbaycanda qeyri-hökumət qəzetləri və qələm sahiblərinin şeytanlıqlarının qarşısı alınmalı və bu istiqamətdə ciddi tədbirlər görülməlidir ki, iki tərəf arasında problem yaranmasın. İkitərəfli əlaqələrin genişləndirilməsi və möhkəmləndirilməsi ilə hər iki ölkə və xalqının rifahının daha artıq təmin edilməsinə nail olmaq olar”-deyə Ərdəbil ostandarı bildirib.Məcid Xudabəxş İran və Bakı arasındakı 380 kilometrlik müştərək sərhədin olmasına təkid edərək, Azərbaycanın baş konsulu vasitəsilə Azərbaycan xalqına sülh və dostluq müraciəti də ünvanlayıb. O həmçinin Azərbaycan əhalisinin iranlılara hörmət etməsini də vurğulayıb. Onun sözlərinə görə Azərbaycan rəsmiləri tərəfindən müştərək sərhədlərdə keçirilən hərbi manevrlərdə münasib ahəngdarlıqlar həyata keçirilməlidir. Azərbaycan baş konsulu da iki ölkə arasındakı əlaqələrdən söz açaraq qeyd edib ki, mədəni və iqtisadi əlaqələrin genişləndirilməsi proqramı nəzərdə tutulub.ANN.Az