Türkiyə prezidenti Rəcəb Tayyib Ərdoğan G20 liderlərinin Rio-de-Janeyro görüşündə Ukraynadakı münaqişənin dondurulması planını təklif etmək niyyətindədir. Bu barədə Bloomberg mənbələrə istinadən məlumat yayıb.
"O, hazırkı şərtlərlə münaqişənin dondurulması təklifini bazar ertəsi Rio-de-Janeyroda 20-lik liderlər qrupunun görüşündə təqdim etməyə hazırlaşır", - nəşr yazır.
Bloomberg-in məlumatına görə, Ərdoğan Ukrayna lideri Vladimir Zelenskiyə Rusiyaya güzəşt olaraq NATO- ya üzvlüklə bağlı müzakirələri ən azı 10 il təxirə salmağı təklif etmək niyyətindədir.
Bundan başqa, Türkiyənin təklifi Donbassda silahsızlaşdırılmış zonanın yaradılmasını nəzərdə tutur.
Ərdoğanın əlavə zəmanət olaraq orada beynəlxalq qoşun yerləşdirməyi və NATO-dan kənarda qalmağa razılıq verdiyinə görə kompensasiya olaraq Qərbin Ukraynaya hərbi təchizat verməsini təklif edəcəyi gözlənilir.
Türkiyə rəsmiləri Ukraynanın belə bir təklifi qəbul etməsinin çətin olacağını etiraf etsə də, bunun ən real yanaşma olduğuna inanırlar.
Aytac
www.anews.az
Bizi sosial şəbəkələrdə izləyin !
