ANN.Az xarici ölkə mediasına istinadən xəbər verir ki, kral Salman tələbələrə, məmurlara, təqaüdçülərə, eləcə də əlil şəxslərə ikiqat maaş mükafatı təyin edib, bütün pul cəzalarını əfv edib. Eyni zamanda futbol komandalarına böyük premyalar verməsi barədə sərəncam imzalayıb.
Kral Salman vəzifəsinin icrasına başlaması səbəbilə tələbələrə, məmurlara, təqaüdçülərə 30 milyard dollar dəyərində 2 qat maaş mükafatı ödənilməsini əmr edib. Eyni zamanda o, vətəndaşların ümumilikdə 500 min Səudiyyə Ərəbistanı Riyalı (təxminən 133 min dollar) miqdarında pul cərimələrini bağışlayıb.
Ölkədəki su və elektrik xidmətlərinə yönəlik layihələrin həyata keçirilməsi üçün 20 milyard riyal pul ayıran kral Salman eyni zamanda ölkədəki bütün ədəbiyyat klublarına, super liqa komandalarına 10milyon, birinci liqa komandalarına beş milyon və digər qeydiyyatdan keşmiş komandalara 2 milyon riyal mükafat təsis edib.
Yeni vəzifəyə başlayan Kral Salman nazirlər kabinetini də yeniləyib və təxminən 2 ay bundan əvvəl Kral Abdullahın təyin etdiyi nazirləri işdən çıxarıb.
Ölkənin rəsmi xəbər agentliyi olan SPA-nın yaydığı məlumata görə, Kral Salman mədəniyyət və informasiya, islami işlər, Rabitə və İnformasiya texnologiyaları, Sosial məsələlər, eləcə də səhiyyə nazirlərini istefaya yollayıb.
Yeni kral sələfi Abdullahın oğlanlarını - Məkkə əmiri Meşalı, Riyad əmiri Türkini işindən azad edib, Milli Mühafizə naziri Mutibi isə vəzifəsində saxlayıb.
Özəl sözçüsü və müdafiə nazirliyinə oğlu Əmir Muhammədi təyin edən kral Səudiyyə Ərəbistanı tarixində ilk dəfə Kral Abdüləzizin nəvələrindən biri daxili işlər naziri Muhamməd bin Nayifi (56 yaşı var) vəliəhd elan edib.
ANN.Az
Bizi sosial şəbəkələrdə izləyin !
