Ermənistan müdafiə nazirliyinə məxsus yük avtomobili qəzaya uğrayıb. AzVision.az erməni mətbuatına istinadən xəbər verir ki, hadisə ötən gün axşam saat 20:56-da Kotayk vilayətinin Yeğvard-Yeni Qeği yolunda qeydə alınıb.
Belə ki, 61 yaşlı M. Aşotun idarə etdiyi 65 OL178 dövlət nömrə nişanlı "Qaz 2410” markalı yük avtomobili yolun hərəkət hissəsində dayanan 7240 nömrəli Ermənistan müdafiə nazirliyinə məxsus, 24 yaşlı Q. Qnelin idarə etdiyi "ZİL-131” markalı avtomobilə arxadan çırpılıb.
Qəza nəticəsində "Qaz 2410” markalı yük avtomobilinin sürücüsü və sərnişi xəsarət alıb. Onlar avtomobildən çıxarılaraq "Armenia” tibb mərkəzinə aparılıb. Xəsarət alanların vəziyyəti orta ağır olaraq qiymətləndirilib.
Ermənistan müdafiə nazirliyinə məxsus "ZİL-131” markalı avtomobilin heyəti haqqında isə məlumat verilmir.
www.anews.az
Bizi sosial şəbəkələrdə izləyin !
