Ermənilər Azərbaycanla sərhədin demarkasiyasından razıdır
08.07.2024 18:21
Ermənistanın Tavuş rayonunun Kirants kəndinin sakinləri Azərbaycanla dəqiq sərhədin olmasından razıdırlar. Bunu jurnalistlərə Ermənistanda hakim partiyadan olan deputat Narek Zeynalyan deyib.
"Əslində son 20-25 il ərzində görülməli olan təsvirolunmaz işlər görülür. Bu işlər vaxtında görülsə idi indi biz düşdüyümüz durumda olmazdıq. Kirantsa getdik, kəndi gəzdik, bir neçə nəfərlə görüşdük və onlarla söhbət etdik. Sakinlər öz işləri ilə məşğul idilər, tarlalarda idilər, heç bir şikayət, mənfi əhval-ruhiyyə və ya başqa neqativ emosiyalar yox idi. Sakinlər hər şeyi öz gözləri ilə görür, anlayırlar ki, küçə müxalifətinin dedikləri yalan və saxtakarlıqdır”, - Zeynalyan əmin edib.
Onun sözlərinə görə, Kirants kəndinin sakinləri sərhədlərin müəyyən edilməsindən razıdırlar.
"Onlar sevinirlər ki, sərhəd artıq aydındır, onlar üçün məqbuldur ki, xəttin bu tərəfi Ermənistan, o biri tərəfi isə Ermənistan deyil. Gedin görün bizim sərhədimiz nədir. Nə nəzərdə tutulurdusa, tikilir, tikanlı məftillər, dirəklər var, yolun bu hissəsində divar hörüləcək”, -deputat bildirib.
N.Təbrizli
www.anews.az
Foto 
Video 
