Ermənistan Azərbaycan və Türkiyə ilə düşmənçiliyə son qoymalıdır - Paşinyan

Ermənistan Azərbaycan və Türkiyə ilə düşmənçiliyə son qoymalıdır. Bunu Ermənistanın baş naziri Nikol Paşinyan deyib.  

 

"İrəvanın mövqeyi ondan ibarətdir ki, regionda Türkiyə və Azərbaycanla normal münasibətləri qurmalıdır. Gürcüstan və İranla da olan qarşılıqlı münasibətləri daha da dərinləşdirməlidir", - Paşinyan mayın 7-də keçirilən mətbuat konfrasında deyib. 

 

Hazırda  Türkiyə Ermənistanla olan sərhədini Azərbaycanla olan münasibətlərə görə bağlayıb. İrəvanla Bakı arasında sülh müqaviləsi imzalanması reallaşacağı təqdirdə sərhədlərin açılması mümkün ola bilər. 

 

Bir gün əvvəl Ermənistanın xarici işlər naziri Ararat Mirzoyan bildirib ki, Azərbaycanla ən qısa zamanda sülh müqaviləsi imzalana bilər. 

 

Hazırda sülh sənədinin 9-cu nüsxəsi üzərində təkliflərin verilməsi məsələsi istiqamətində danışıqlar gedir. 

 

Mayın 10-da Qazaxıstanda Azərbaycan və Ermənistan xarici işlər nazirlərinin ikitərəfli görüşü gözlənilir.

 

Gülnar Nazimqızı