Ermənistan hökuməti geniş iclasda Fransa İnkişaf Agentliyindən 75 milyon avro məbləğində kreditin alınmasını təsdiqləyib. Ermənistan Nazirlər Kabinetinin geniş iclası bu ölkənin televiziyaları vasitəsilə translyasiya olunub.
"Proqram üç əsas hissədən ibarətdir: dövlət maliyyə idarəçiliyi sisteminin təkmilləşdirilməsi, dövlət qiymətli kağızları və pul bazarlarının infrastrukturunun gücləndirilməsi, biznes fəaliyyətinin maliyyələşdirilməsi üçün yeni alətlərin hazırlanması və daha şəffaf idarəetmənin təmin edilməsi”, - maliyyə naziri Vahe Hovhannisyan qeyd edib.
Ermənistan hökuməti üzvünün sözlərinə görə, proqram Asiya İnkişaf Bankı ilə birgə həyata keçirilir, pul 2024-cü ildə dövlət büdcəsinin kəsirinin maliyyələşdirilməsinə yönəldiləcək, borcun əsas məbləğinin ödənilməsi müddəti 20 il olacaq.
N.Təbrizli
www.anews.az
Bizi sosial şəbəkələrdə izləyin !
