Ermənistan növbəti müharibədə uduzacaq - ERMƏNİ POLİTOLOQU

"Müharibənin olacağına heç bir şübhə yoxdur", - erməni politoloqu İqor Muradyan belə hesab edir. O, öz fikrini bununla əsaslandırır ki, Ermənistan ABŞ-ın və NATO-un dəstəyindən məhrum olub, bunun əvəzindəsə Rusiyanın qismində şübhəli və qarşısı alınmaz partnyor əldə edib."Ermənistan beynəlxalq təcridlə üzləşib, Azərbaycan və Türkiyə üçün bu, mümkün müharibə halında əhəmiyyətli faktdır. Bu müharibədə Rusiya qalib gəlmiş tərəflərdən biri olmağa çalışacaq, faktiki olaraq, Azərbaycan və ya Türkiyə qalib olacaq. Nə qədər ki, Ermənistan Rusiyadan asılıdır, o, artıq heç vaxt heç bir müharibədə qalib gələ bilməyəcək. Ermənistan Azərbaycan ordusunun məhv edilməsinə yalnız cəhd edə bilər", – politoloq "Ermənistan Rusiyadan asılı olduğu müddətdə heç bir müharibədə qalib gələ bilməz" başlıqlı məqalədə belə deyir.Qarabağ məsələsində erməni hakimiyyətinin mövqeyinin nədən ibarət olmasına münasibət bildirən İqor Muradyan vurğuladı ki, Ermənistan ölkənin məhv edilməsini və milli böhranı bildirən Madrid prinsiplərini qəbul etdikdən sonra hakimiyyətin etməli olduğu yalnız bir şey qalır: ümid etmək ki, Azərbaycanın həminki prinsiplər əsasında danışıqların şərtlərini qəbul etməməsinə ümid etmək."Əgər Azərbaycan bu şərtləri qəbul etsə, onda Ermənistan bundan imtina edə bilməyəcək və hadisələr çox sürətlə inkişaf edəcək.Ermənistan öz məşhur prinsipləri ilə məşhur olan kiçik kalibrli oliqarxların tutduqları ölkəyə çevrildi və bu, qəzaya qədər sonuncu mərhələdir", – Muradyan dedi.Qarabağ münaqişəsinə Rusiyanın münasibətinə toxunaraq o, dedi:-  Rusiya tərəfinə Qarabağ məsələsi həll edilmiş görünür. Onlar heç vaxt Dağlıq Qarabağ Respublikasının müstəqilliyini tanımaqlarına eyham etməyəcəklər. Hətta bunu gözləmək gülüncdür. Rusiyanın hədəfi iki başqa respublika kimi yox, vassal ərazi qismində Ermənistanın Avrasiya İttifaqına qeyri-bərabər şərtlərlə üzvlüyünə nail olmaqdır, - Galatv.am saytına müsahibəsində erməni eksperti əlavə etdi.Kamal ƏliANN.Az