Ermənistan XİN başçısı KTMT iclasına qatılmayacaq

Ermənistanın xarici işlər naziri Ararat Mirzoyan KTMT Xarici İşlər Nazirləri Şurasının, Müdafiə Nazirləri Şurasının və Təhlükəsizlik Şurası Katibləri Komitəsinin noyabrın 22-də Minskdə keçirilməsi planlaşdırılan birgə iclasında iştirak etməyəcək.

"İnterfaks” xəbər verir ki, bu barədə Belarus tərəfinin təşəbbüsü ilə telefon danışığı zamanı Mirzoyan belaruslu həmkarı Sergey Aleynikə məlumat verib.

"Söhbət zamanı KTMT-nin fəaliyyəti ilə bağlı məsələlər qaldırılıb”, - məlumatda deyilir.