Ermənistanda hərbçilərin ölümünə səbəb olan yanğın detalları açıqlanıb

13:08 | 19.01.2023
Ermənistanda 15 hərbçinin ölümünə səbəb yanğın təhlükəsizliyini qaydalarına düzgün əməl edilməməsindən baş verib. Bu barədə Ermənistanın müdafiə naziri Suren Papikyan keçirilən mətbuat konfrasında məlumat verib.
 
 "Yanğın yanğın təhlükəsizliyi qaydalarının pozulması nəticəsində baş verib. Qadağan olunmuş vasitədən - motor benzinindən istifadə edilib, nəticədə yanğını söndürmək mümkün olmayıb”, - Papikyan bildirib.
 
İstintaq Komitəsinin rəhbəri Arqişti Kyaramyan təsdiqləyib ki, yanğına səbəb benzin olub - ilkin versiyaya görə, onlar istilik sobasını benzinlə yandırmağa cəhd ediblər. Onun sözlərinə görə, faktla bağlı Cinayət Məcəlləsinin 4-cü hissəsi ilə cinayət işi başlanıb.
 
Baş nazir Nikol Paşinyan xatırladıb ki, 2022-ci il dekabrın 21-də Silahlı Qüvvələrin Baş Qərargah rəisi hərbi hissələrdə yanğınların qarşısının alınması tədbirləri haqqında protokol imzalayıb, bu protokol xüsusilə yanar materiallardan istifadəni qəti qadağan edib.
 
Hadisə ilə bağlı müdafiə naziri yüksək rütbəli zabitlərin işdən çıxarılmasını təsdiqləyib. 
Səhiyyə Nazirliyinin rəhbəri Anahit Avanesyan bildirib ki, yanğın qurbanlarından üçü Milli Yanıq Mərkəzində, ikisi isə reanimasiya şöbəsindədir.
 
Yanvarın 19-na keçən gecə ER Müdafiə Nazirliyinin Geqarkunik rayonunun Azad kəndi ərazisində yerləşən N saylı hərbi hissəsinin mühəndis-istehkamçı rotasının kazarmasında baş vermiş yanğın nəticəsində 15 əsgər həlak olub, üç nəfərin vəziyyəti ağırdır. Yanvarın 19-da Ermənistan Respublikasının Prezidenti ikinci ordu korpusunun komandiri Vahram Qriqoryanın vəzifəsindən azad edilməsi haqqında fərman imzalayıb.
 
Gülnar 

www.anews.az
0
Bizi sosial şəbəkələrdə izləyin !

REKLAM