( Dövlət Sərhəd Xidmətinin mövqeyi əlavə edilib, Ermənistan Müdafiə Nazirliyinin açıqlaması əlavə edilib)
Ermənistan Müdafiə Nazirliyi Ermənistan Silahlı Qüvvələrinin 4 əsgərinin öldüyünü, 1-nin isə yaralandığını açıqlayıb.
Ermənistanın 2 hərbçisi həlak olub , yaralananlar var. Bu barədə Sputnik Armeniya Ermənistan Müdafiə Nazirliyinə istinadən xəbər verir.
"Azərbaycan tərəfin səhər 5.30 radələrinfə Nerkin And rayonu ərazisinfə yerləşən erməni mövqelərinə açdığı atəş nəticəsində iki erməni əsgəri ölüb, yaralılar var”,- Ermənistsn MN bildirib.
Fevralın 13-də Dövlət Sərhəd Xidmətinin (DSX) bölmələri tərəfindən Ermənistan Silahlı Qüvvələrinin dünən Azərbaycan mövqelərinə açdığı atəşə cavab olaraq "qisas əməliyyatı” keçirilib. Bu barədə Azərbaycan Dövlət Sərhəd Xidməti məlumat yayıb.
"Əməliyyat nəticəsində dünən əsgərimizə atəş açılan Ermənistan Silahlı Qüvvələrinin Qafan rayonunun Nerkin-And yaşayış məntəqəsinin yaxınlığındakı döyüş postu tamamilə darmadağın edilib, döyüş mövqeləri susdurulub. Məhv edilmiş döyüş postunun şəxsi heyəti arasında ciddi itkilərin olması barədə məlumatlar mövcuddur. Ermənistan tərəfinin Azərbaycan-Ermənistan şərti dövlət sərhədində əməliyyat şəraitinin gərginləşdirilməsinə yönələn hər bir təxribatına bundan sonra daha ciddi və qəti tədbirlərlə cavab veriləcəkdir", - Dövlət Sərhəd Xidmətinin məlumatında bildirilib.
DSX həmçinin qeyd edib ki, baş vermiş hadisəyə görə məsuliyyət tam şəkildə Ermənistanın hərbi-siyasi rəhbərliyinin üzərinə düşür.
Azərbaycan Müdafiə Nazirliyi məsələ ilə bağlı şərh verməyib.
Fevralın 12-də saat 13:37 radələrində Azərbaycan-Ermənistan şərti dövlət sərhədinin Zəngilan rayonu ərazisindən keçən hissəsində Ermənistan Silahlı Qüvvələrinin Qafan rayonunun Nerkin-And yaşayış məntəqəsi istiqamətində yerləşən mövqeyindən Dövlət Sərhəd Xidmətinin Sərhəd Qoşunlarının Zəngilan rayonunun Kolluqışlaq kəndi ərazisində yerləşən mövqeyinə atəş açılıb.
Nəticədə Dövlət Sərhəd Xidmətinin hərbi qulluqçusu əsgər Pərviz Xəlilzadə yaralanıb. Hərbi qulluqçu helikopterlə ixtisaslaşmış tibb müəssisəsinə təxliyə edilib. Baş vermiş hadisə, o cümlədən qarşı tərəfdən atəşin aşılması anı videomüşahidə kameraları vasitəsilə qeydiyyata alınıb.
2023-cü ilin payızında keçirilən antiterror əməliyyatından sonra bu Qsrabağ regionunda tərəflər arasında yaşanan ilk gərginlikdir.
N.Təbrizli
www.anews.az
Bizi sosial şəbəkələrdə izləyin !
