Ermənistanın KTMT-dan çıxması ilə bağlı sinqallar almamışıq - Peskov
11.09.2023 16:50
Rusiya Ermənistanın Kollektiv Təhlükəsizlik Müqaviləsi Təşkilatından (KTMT) çıxması ilə bağlı hər hansı sinqalları görmür. Bunu Rusiya prezidentinin mətbuat katibi Dmitri Peskov deyib.
Qərbyönümlü analtiklər Ermənistanın KTMT-dan çıxacağı ilə bağlı məlumatlar paylaşır.
"Biz bu mövzuda çoxlu müzakirələrin şahidi olduq, deyək ki, Ermənistanda olan qərbyönlü analitiklər bunu dəfələrlə müzakirə ediblər. Lakin bu məsələ ilə bağlı heç bir rəsmi siqnal almamışıq", - Peskov bildirib.
Kollektiv Təhlükəsizlik Müqaviləsi Təşkilatının "Sarsılmaz Qardaşlıq” adlı təlimləri artıq bir dəfə 2015-ci ildə Ermənistanda keçirilib. Həmin təlimlərdə Rusiya Mərkəzi Hərbi Dairəsinin sülhməramlı briqadasının hərbçiləri, o cümlədən Ermənistan, Qazaxıstan, Belarus, Qırğızıstan və Tacikistandan olan 500-ə yaxın hərbçi iştirak edib.
2022-ci ildə KTMT ölkələrinin "Sarsılmaz qardaşlıq” hərbi təlimləri Qırğızıstanda keçirilməli idi, lakin bu ölkənin Müdafiə Nazirliyi səbəbini açıqlamadan təlimləri ləğv edib.
KTMT 1994-cü ildə qüvvəyə minib. O zaman təşkilat 9 ölkədən ibarət olub. Daha sonra Azərbaycan, Gürcüstan və Özbəkistan bu təşkilatı tərk edib.
Gülnar
www.anews.az
Foto 
Video 
