Ermənistanın ombudsmanı Kristin Qriqoryan istefa ərizəsini Milli Assambleyaya təqdim edib. Bu barədə hüquq müdafiəçisi sosial şəbəkədə məlumat yayıb.

Ombudsman Aparatı açıqlamasında bildirib ki, Qriqoryan münasib vaxtda yeni iş yeri barədə ictimaiyyətə məlumat verəcək və o vaxta qədər mövzu ilə bağlı hər hansı şərh vermək istəməyib.

Qriqoryan ailə üzvlərindən tutmuş baş nazirə qədər hər kəsə minnətdarlığını bildirib və qeyd edib ki, o, öz missiyasını qərəzsiz, böyük məsuliyyət və sədaqətlə yerinə yetirməyə çalışıb.

Hesabatda həmçinin bildirilir ki, Ombudsman keçid və böhran vəziyyətlərində aparatın daha da yaxşı inkişafının təmin edilməsi və dayanıqlığının artırılması üçün bütün səylərini göstərib.






www.anews.az