Ukraynanın İctimai Televiziyası və Avropa Yayım Birliyi bu il "Eurovision" mahnı müsabiqəsinin "Müxtəlifliyi bayram edək" (Celebrate Diversity) şüarı altında keçiriləcəyini açıqlayıb.
ANN.Az Report-a istinadən xəbər verir ki, həmçinin builki müsabiqə üçün ənənəvi Ukrayna boyunbağı "namısto" formasında yeni loqo hazırlanıb.
Müsabiqənin supervayzeri Yon Ola Sandın sözlərinə görə, "Müxtəlifliyi bayram edək" şüarı keçənilki müsabiqənin "Bir yerə toplaşaq" mövzusuna əsaslanır və "Eurovision" müsabiqəsinin dəyərləri özündə əks etdirir.
Qeyd edək ki, müsabiqə Kiyevdə bu il mayın 9, 11 və 13-də keçiriləcək. Mahnı müsabiqəsində ümumilikdə 43 ölkə, o cümlədən Azərbaycan iştirak edəcək. Azərbaycanı müsabiqədə Diana Hacıyeva təmsil edəcək.
Bizi sosial şəbəkələrdə izləyin !
