"1 sentyabrda keçiriləcək növbədənkənar parlament seçkiləri ərəfəsində sizə müraciət edirəm. Mən, 104 saylı Gədəbəy seçki dairəsindən deputatlığa namizəd Əziz Əliyev, sizin dəstəyinizlə ölkə rəhbərimizin qalib siyasətini "Yeni siyasi vizyon" adı altında proqrama çevirdik. Bu proqramda fərqli bir yanaşma ortaya qoyaraq, yalnız mərkəzi dairələrlə məhdudlaşmayan, həm də ucqar dağ rayonlarında fərqliliklərə, yeniliklərə və ilklərə imza atan bir təbliğat və təşviqat kampaniyası həyata keçirdik. Bu kampaniya, Prezident İlham Əliyevin qalib siyasətinə vətəndaş dəstəyini təmin edən, mühüm dövlət ideyaları ilə zəngin bir siyasi mühitin yaradılmasına töhfə vermək üçün idi",- o biıdirib.
"Gəncliyimizin enerjisini və dinamizmini Gədəbəy insanının və siyasi düşüncənin modern baxışı ilə birləşdirərək, dövlət siyasətinə uyğun bir şəkildə əsaslandırmaq, vətəndaşları dövlət siyasəti ətrafında səfərbər etmək və onları siyasi mühitə hazır saxlamaq missiyamızı uğurla yerinə yetirdik. Biz "Səsiniz Əziz olsun" şüarını sadəcə bir ifadəyə çevirmədik, onu cəmiyyətin ümumi qəbuluna uyğun, ictimai reaksiyaya, dəstəyə və real siyasi fəaliyyətə çevirməyi bacardıq. Biz vurğuladıq ki, siyasi qalibiyyət yalnız fərdi məqsədlərdən üstün deyil, həm də dövlətin milli maraqlarına dayanan bir amaldır. Bu kontekstdə, biz yalnız və əbədi olaraq dövlətin qalib olduğunu göstərdik.
Seçki kampaniyamızın heç bir məğlubu yoxdur, çünki Gədəbəy kimi ucqar, lakin strateji əhəmiyyətə malik bir bölgənin siyasi, tarixi, mədəni, sosial, ədəbi və ideoloji, dini aspektlərini canlandıraraq, onları ölkə miqyasında tanıtmaqla, xüsusilə gənc nəslin maarifləndirilməsində böyük rol oynaya bildik. Ölkə rəhbərimizin multikulturalizm siyasətini, iqtisadi vizyonunu, alman, alban və rus, xristianlıq və İslam dəyərlərinə olan münasibətini cəmiyyətə düzgün şəkildə çatdırdıq. Gələcək üçün böyük təcrübə qazandıq və qalibiyyətin dövlətin milli maraqları çərçivəsində olduğunu vurğuladıq.
Yeni nəsillərlə və yaşlı şəxslərlə apardığımız işlər vasitəsilə yeni təcrübələr qazandıq, maraqlı iş formaları müəyyən etdik. Bu səbəbdən, hamımızı təbrik edirəm! Fərqi yoxdur Gədəbəyi kim təmsil edəcək, əsas məsələ odur ki, Gədəbəy bu gün Ölkə rəhbərinə, dövlət və dövlətçiliyə mütləq sədaqətlə sadiqdir",- Əliyev əlavə edib.
www.anews.az
Bizi sosial şəbəkələrdə izləyin !
