Ötən sutka ərzində FHN-in qüvvələri qardaş Türkiyənin Köyceğiz bölgəsinin Köyceğiz, Pınar, Karayer, Kavacık, Cayhisar, Otmanlar rayonu, Kavaklı dərə bölgəsinin Hüseyn Yayla rayonu və Məntəşə bölgəsinin Yılanlı rayonunda yanğınlarla mübarizə aparıblar.
FHN-dən Anews.az-a verilən məlumata görə, bu rayonlarda müvafiq olaraq yanğınların kəşfiyyatı, söndürülmə və soyutma tədbirləri həyata keçirilib, yanğınların yayılması və infrastruktur obyektlərinə keçməsinin qarşısı alınıb.
FHN-in yanğın-xilasetmə qüvvələri türkiyəli yanğınsöndürənlərlə birgə koordinasiyalı şəkildə fəaliyyət göstərirlər.
Bundan başqa, Köyceğiz istiqamətində yanğınsöndürmə əməliyyatlarına cəlb edilən FHN-ə məxsus "BE-200ÇS” tipli amfibiya təyyarəsi ötən sutka ərzində altı dəfə uçuş həyata keçirməklə 57 ton, helikopter isə 21 dəfə uçuş həyata keçirməklə 53 ton su töküb.
www.anews.az
Bizi sosial şəbəkələrdə izləyin !
